epoxy / ايبوكسي /ارضيات ايبوكسي/sicomin epoxy / طاولات ايبوكسي / epoxy uv /renksan epoxy
ارضيات ايبوكسي
لو هتشتغل في الارضيات الإيبوكسية 3D أو هتنفذها عندك يبقي ركز في الملاحظات دي واعرفها كويس جدا
* البانر اللي هتركبه وهيطبع عليه الرسمك مادة بلاستيكية فالايبوكسي مش بيمسك عليها بشكل قوي فلازم تاخد بالك من شويه حاجات في البانر.
*البانر ميبقاش عليه مادة السلوفان اللي بتبقي محطوطة عشان تحمي البانر ونديله لمعان لأن الايبوكسي مش بيمسك عليها ولو موجودة تبقي بدون لمعة.
*الاحبار اللي معمول بيها البانر تبقي من جودة عالية عشان الايبوكسي ميمسكش فيها ويطلع بيها.
*لو المطبعة مش هتقدر تديني بانر بعرض كبير وهنضظر نلزق بانرين جنب بعض يبقي نخلي اول ٢ سم في بداية البانر الثاني زي اخر ٢ سم في البانر اللي قبله عشان نعمل الاوفرلاب وتطلع الصورة مكتمله تماماََ.
*لو المساحة اللي هتفرد عليها البانر صغيرة يبقي ركز جدا في قياساتك وتفصيلة البانر عشان متضيعش اجزاء من الصورة ومتبانش.
*مرحلة لصق البانر لازم تتم بعدد صغير من الأشخاص عشان ميبقاش عندنا بصمات رجلين كتير علي الصورة بتاعتنا.
*البانر بيبقي ملفوف فلما هنيجي نفرده هنلاقيه طالع ونازل فيفضل انك تفرد البانر علي الارض قبل ما تستخدمه ب 24 ساعة عشان ياخد فردته كويس وميبقاش معرج.
* لما تحط الايبوكسي علي السيراميك لازم تعالج فواصل السيراميك والخدوش اللي فيه وتقفل كل الفواصل دي عشان متظهرليش بعد كده في الصورة.. احنا عايزين الصورة تبقي محطوطة علي سطح املس تماما مفيهوش اي فواصل.
*اي طبقة او ماتريال هتحطها تحت البانر عشان تعالج الارضية لازم يكون لونها ابيض عشان متدنيش انعكاس وتطبع مع البانر والصورة.
*لما بتركب صور 3d لازم تاخد بالك من زاوية الرؤية يعني لما تخش المكان تبقي نظرتك ليه تظهره كثلاثي الابعاد لأن ممكن تركيب اتجاه الصورة بشكل مش سليم يبوظلنا ال 3d تماماََ.
*سطح الايبوكسي بعد تنفيذه ميجيش عليه مياه نهائياََ لمدة اسبوع علي الاقل لان المياه بتكون عليه طبقة بيضاء وبضيع لمعانه.
*الايبوكسي مبيتخلطش خلط سريع لكن لازم يتخلط يدوي لأن الخلط السريع بيفصله وبيضيع الشفافية بتاعته وبيكون طبقة بيضاء ولو هتشتغل في الشتا حط البستلة في مايه قبل استخدامها ب ٢٤ ساعة عشان متبقاش لزجة اوي.
*فرد الايبوكسي لازم يكون برولة مدببة ( دبابيس) عشان دي بتساعد انها تخرج فقاعات الهواء اللي في الايبوكسي.
* لما بنستخدم اللهب والهواء السخن لازم يبقي بعيد عن الايبوكسي مسافة علي الاقل ١٥ سم عشان ميعلمش في الايبوكسي والهواء السخن ده بيفدنا برضه في خروج فقاعات الهواء.
* الحالة المثالية لو هتستخدم اداة هواء سخن فيها اوبشنات تحكم في سرعة الهواء ودرجة الحرارة.. يبقي تشتغل بأعلي درجة حرارة وأقل سرعة هواء.
* الخلط يكون بطئ وبشكل دائري ومن الاعلي للأسفل عشان تحصل علي منتج متجانس واقل عدد من فقاقيع الهواء.
*وانت بتفرد الايبوكسي متمشيش عليه.. دايما العامل واقف علي الحتة الناشفة من البانر وبيشتغل من ورا لقدام لحد ما يطلع من باب الغرفة.
*فرد الايبوكسي بمساحة مدببة ويكون بشكل بطئ وهادي عشان ميكونش فقاقيع هواء.
*بعد تنفيذ الايبوكسي لمدة ٢٤ ساعة علي الاقل محدش يحاول يدوس عليه عشان نضمن انه نشف تماماََ.
*الايبوكسي مادة شفافة فلازم نخلي بالنا واحنا بنفذه ميسقطش عليه شَعر او عَرق او حشرات.
* لازم احط مسطرة عند نهاية الايبوكسي مع فتحات الابواب عشان احمي الاطراف بتاعته من التأكل.
*لو هتعمل الصورة الايبوكسي في نص الاوضة بين السيراميك يبقي تفرغ بين السيراميك وتخلي وش الايبوكسي مع وش السيراميك عشان اطرافه متتاكلش.
سعر الارضيات الايبوكسي
* سعر جالون epoxy للمتر، بدون رسومات ثلاثية الأبعاد فيتراوح الأسعار ما بين 250 جنيهًا مصريًا لـ 300 جنيه مصريً اي ما يعادل 45 دولار امريكي .
* سعر متر epoxy ، ذات رسومات ثلاثية الأبعاد فيتراوح الأسعار ما بين 450 جنيهًا مصريًا لـ 500 جنيهًا مصريًا اي ما يعادل 90 دولار امريكي .
عيوب ارضيات الايبوكسي
* الإيبوكسي لا يصلح لكافة الأرضيات .
* يصلح فقط للأرضيات الأسمنتية.
* الإيبوكسي بديل السيراميك هو ثمنه غالي جدا مقارنة بالسيراميك.
* تركيب الإيبوكسي عدد قليل من الأشخاص المختصة بتركيبه، وذلك كان الاساس في رفع سعره .
مميزات ارضيات الايبوكسي epoxy
* يتميز الايبوكسي epoxy بأنه شديد القوة والمتانة على الأرضيات.
* أرضيات الـايبوكسي epoxy تتحمل الجرح والخدش.
* تتحمل أرضيات الايبوكسي epoxy درجات الحرارة المرتفعة.
* أرضيات الايبوكسي epoxy ملمسها ناعمة جدًا أنعم من السيراميك .
* أرضيات الايبوكسي epoxy لا تؤدي إلى التزلق او الانزلاق على الأرض.
* تتميز أرضيات الايبوكسيepoxy بأنها مصنوعة من مادة الايبوكسي شديدة الالتصاق .
* تتميز أرضيات الايبوكسي epoxy بالعديد من الأشكال ثلاثية الأبعاد وتقنية 3D عالية الجودة والخامات.
الله ينور ي هندسة دايما في تفوق
ردحذفاللهم صلي علي محمد
ردحذفاللهم صلي علي محمد
ردحذفاللهم بارك
ردحذفاللهم صلي علي محمد
ردحذفالله يسعدك
ردحذفاللهم صلي علي محمد
ردحذفاللهم صلي علي محمد
ردحذفاللهم صلي علي محمد
ردحذفاللهم صلي علي محمد
ردحذفاللهم صلي علي محمد
ردحذف