Civil Engineer/مهندس مدني / دورة تنفيذ للمهندس المدني
مهندس موقع
السلام عليكم ورحمة الله وبركاته.
كورس التنفيذ (دورة إعداد مهندس موقع م/ محمد ذكي اسماعيل)
محتوى الكورس:
=========أول سؤال ممكن يخطر على بالك دلوقتي.. هو إزاي لو حضرتك عايز كورس تنفيذ وانت في البيت هتتعلم.. المفروض تتعلم في الموقع نفسه، ببساطة شديدة إنت معاك حق.. و لكن إحنا خلال الكورس ده هنسهل عليك بشكل كبير جداً إنك تكون مهندس متميز في الموقع و تتخطى مشكلة إنك حديث تخرج أو أول مرة تنزل تشتغل في التنفيذ و ده لأننا هننقلك خلاصة خبرات سنوات طويلة خلال فترة الكورس.. بالنسبة بقى لطريقة الشرح داخل القاعة فده بيكون من خلال عرض صور لكل تفاصيل تنفيذ البنود في الموقع و اللي من خلالها هتحس فعلاً إنك جوه الموقع، بعد ماتخلص الفترة التدريبية للكورس هيكون عندك المقدرة على إنك تشتغل مهندس موقع و انت متطمن لأنك هتكون متأسس صح و فاهم كل بند إزاي بيتنفذ و إزاي تستلمه بشكل مظبوط.
الكورس ده هنتعلم فيه كل البنود اللي تتخيلها بدءاَ من و هو الموقع لسه صحراء لحد مرحلة تسليم المفتاح للمالك.
خلال فترة الكورس كل بند من البنود اللي هيتم شرحها هنتطرق لـ (طريقة تنفيذ البند- خطوات إستلام البند- المصطلحات اللي بيستخدمها الصنايعية في الموقع- أهم الحاجات اللي تخلي بالك منها- معدلات خلط المون و معدلات الإنتاجية للخامات و العماله- أسعار السوق في الفترة الحالية- ربط تنفيذ البند بالكود المصري و المواصفات القياسية المصرية و أصول الصناعة- إيه السماحيات و نسب الخطأ المسموح بيها في تنفيذ كل بند)
أثناء المحاضرات هيكون فيه ورش عمل تدريبية بيتم فيها التطبيق على إستخدام ميزان القامة و ميزان الخيط و ميزان الخرطوم، و بنستلم لوحات مشروع حقيقي كاملة و بنتعلم إزاي نصفيها و نحسب منها كل الحسابات اللي بنحتاجها في الموقع.
الهدف من الكورس ده هو إنك تتعلم الحاجات دي:
===========================• إزاي تدير موقع كامل لوحدك في بداية حياتك العملية.
• إزاي كل بند بيتنفذ في الموقع و إزاي تستلمه صح.
• لغة الموقع و المصطلحات اللي الصنايعية بيتكلموا بيها.
• إزاي تتعامل باحتراف مع الصنايعية و العمال و المقاولين و المشرفين.
• إزاي تضمن إن الصنايعية ماتشتغلكش في الموقع و تسلمك شغل غلط.
• إزاي تطور نفسك في الموقع في فترة قصيرة.
• إزاي تحافظ على الموقع بتاعك و تعمل أفضل شغل ممكن بأقل تكلفة و في أقل وقت.
• إيه المشاكل المتوقع إنها تقابلك في الموقع و إزاي تتصرف لو قابلتك.
مراحل التنفيذ اللي هيتم شرحها خلال فترة الكورس:
=============================• مرحلة تجهيز و تنسيق الموقع- الأعمال المساحية- أعمال الجسات- أعمال الحفر- أعمال الردم- أعمال الإحلال- طرق سند جوانب الحفر
• الأساسات السطحية و الأساسات العميقة- القواعد العادية و المسلحة- القواعد المنفصلة- القواعد المشتركة- اللبشة- السملات و الميدات و الشدادات- الخوازيق- قواعد المنشآت المعدنية
• الـSolid Slabs – الـ Flat Slabs – الـ Hollow Block Slabs – الـ Waffle Slabs
• الأعمدة- الحوائط الخرسانية- الخزانات و حمامات السباحة- السلالم- البلاطات الخرسانية للأرضيات- خرسانة الدكات- خرسانة الميول
• الأعمال الخرسانية- أعمال النجارة لجميع العناصر الخرسانية- الشدات و الفرم- الشدات الخشبية- الشدات المعدنية- الشدات المنزلقة
• أعمال الحدادة لجميع لعناصر الخرسانية- تفريد حديد التسليح لجميع العناصر الخرسانية- عمل الـCutting List لحديد التسليح للوصول لأقل هالك- قراءة لوحات التسليح
• تنفيذ أعمال صب الخرسانة- إضافات الخرسانة و الخرسانات الخاصة- فنيات و مهارات الخرسانة- خلط الخرسانة في الموقع- الخرسانة الجاهزة- صب الخرسانة بطريقة الخط الثابت- الخرسانة المقذوفة- الخرسانة ذاتية الدمك- أزمنة فك الشدات و الفرم- عيوب الخرسانة- معالجة و ترميم الخرسانة
• الفواصل الإنشائية- فواصل التمدد- فواصل الإنكماش- فواصل الهبوط- فواصل الصب
• أحدث الأنظمة الإنشائية الخاصة
• Pre stressed concrete- Pre cast concrete- Post tension
• أعمال المباني- بياض المحارة الداخلي و الخارجي- الأعمال الجبسية و الحليات و الكرانيش- الدهانات الداخلية و الخارجية- ورق الحائط- أعمال التكسيات للحوائط و الأرضيات- الرخام و الجرانيت و الأحجار- السيراميك و البورسلين- البلاط- الباركية- الأرضيات الإيبوكسية- البردورات- الإنترلوك- الأبواب و الشبابيك- الأعمال الخشبية- الأعمال المعدنية- حديد الكريتال و الفورفورجيه- الألوميتال- الـ PVC- عزل الرطوبة- عزل الحرارة- عزل الصوت- القرميد - الـHDF -- الكرانيش الفيوتك- الأسقف المعلقة و بيوت الستائر و بيوت النور- الجيبسوم بورد- الطوب الزجاجي- الكوريان- الـCladding و الكيرتين وول- الـ CNC - أحدث خامات و طرق التشطيبات المتطورة
• الأعمال الصحية- الأعمال الإلكتروميكانيكية- أعمال الكهرباء- التأريض و مانع الصواعق- أعمال التكييف- إنذار و مكافحة الحريق
• تسلسل تنفيذ البنود في الموقع
• شرح أهم بنود الكود المصري و المواصفات القياسية المصرية للتنفيذ
• الأمن الصناعي و السلامة و الصحة المهنية
• أعمال الترميمات للمنشآت الخرسانية- أعمال التدعيم- أعمال الصيانة و الإصلاحات
• أعمال ضبط الجودة QC و الإشراف الهندسي
• طرق تنفيذ كل بنود المشروع- خطوات إستلام كل البنود- الإختبارات اللي بيتم عملها في الموقع لكل مراحل التنفيذ- نسب خلط المون بالموقع- معدلات أداء الصنايعية- أسعار الخامات و المصناعيات لتنفيذ البنود
كل مرحلة من المراحل المكتوبة فوق دي هتتعلمها بشكل إحترافي بكل تفاصيلها.
Part.1
Part.2
Part.3
Part.4
Part.5
Part.6
Part.7
Part.8
م/علاء محمد منير
حاجة عظمة
ردحذفماشاء الله
ردحذفاللهم صلي علي محمد
ردحذفاللهم صلي علي محمد
ردحذفاللهم صلي علي محمد
ردحذفاللهم صلي علي محمد
ردحذفاللهم صلي علي محمد
ردحذفاللهم صلي علي محمد
ردحذفالله ينور عليك ياغالي ويصلح حالك يارب 😍
ردحذف